Installasjon
Installasjonen av programmet er rimelig rett fram. Dei som er kjent med Flight Simulator vil kjenne seg litt igjen på måten denne simulatoren er bygd opp på. Først installererer ein sjølve simulatoren og deretter kan ein kjøpe detaljerte scenery som må installerast separat.
Silent Wings opererer med følgande krav:
Windows XP/2000 eller Linux (kernel 2.4 eller høghare)
Grafikkort med minst 32Mb RAM. 64 Mb eller høgare er anbefalt
800MHz Prosessor
256Mb RAM
0.5-4Gb ledig plass på harddisk
Det er altså verdt å merke seg at Silent Wings skal fungere knirkefritt på linux!
Når programmet og eventuelle scenery er installert må ein registrere seg på nettsidene til Silent Wings for å motta ein kode som deretter gjer det mogleg å bruke programmet som ein fullversjon.
Med simulatoren følger det ein grundig manual som tar føre seg alle stega i bruken av simulatoren, og for meg som er ein totalt uerfaren seglflypilot var det betryggande å ha denne å støtte seg til når eg skulle ta mine små steg ut i den motorlause verdenen.
I bruk:
I all enkelheit er det to hovudvalg ein kan gjere når ein skal ut og fly. Enten å fly på eiga hand med ”ai-trafikk” eller på multiplayer sammen med andre dødlige. Dette er kjent for alle som også nyttar Flight Simulator. Når ein vel å fly aleine kan ein bestemme plassering, ver, flytype og kor masse trafikk som skal vere rundt ein. Det er også mogleg å konkurrere mot ai-fly eller mot andre medspelarar. Med i simulatoren finn ein flotte scenery for store delar av verden, og som nemnt tidlegare kan dette utvidast med pakkar som kan kjøpast og lastast ned frå
www.silentwings.no.
Også veret kan tilpassast i stor grad. Ein kan velge vindstyrke og retningar, oppdrift (som er svært sentralt i denne bransjen) og kor masse skyer som skal vere rundt ein. I tillegg er det ein anna stor likheit med Flight Simulator. Dette går på at ein kan laste ned fly og legge til dei som er i simulatoren i utgangspunktet. Måten ein startar på kan også tilpassast. Enten startar ein med eit slepefly, ved hjelp av vinsj eller at ein er plassert oppe i lufta i utgangspunktet.
Å sette seg om bord i eit fly utan motor er svært facinerande og eg må virkelig seie at det gav eit lite kick å segle rundt der oppe på leit etter termikk (oppdrift). Det gir ein heilt anna følelse enn å sitte i eit to motors jetfly å berre dure i vei. Ein føler seg faktisk mykje nærmare naturen. Eg har ingen erfaring med dette i virkeligheita, men med den følelsen eg sit igjen med etter desse timane bak spakane her så skjønnar eg godt kvifor enkelte har dette som sin store lidenskap!
Den ekstrapakken som eg fekk testa denne gongen inkluderer store delar av det sør austlege Norge. Her finn eit knippe med flyplassar som er velkjende for dei som driv med segfly. Sidan det er svært store filer å laste ned så har utviklarane delt sceneryet opp i fire seksjonar som kvar blir på mellom 800 mb og 1 gb. Men det er ingen grunn til å få panikk for dei som har manglande bandbreidde. Alt går nemlig an å få kjøpt på DVD!
Som nemnt tidlegare er det også mogleg å spele multiplayer. Måten dette foregår på er at ein koblar seg til ulike servererar som har forskjellige utgangspunkt for turar. For å sjekke om det er folk inne på dei ulike serverane kan ein sjekke via ei nettside hos www.silentwings.no. Dei gongane eg var innom var det dessverre svært få deltakarar på desse serverane, så eg har valgt å konsentrere meg mest om singleplayer.
Konklusjon:
Å flyte rundt i eit fly som er meir eller mindre totalt avhengig av naturen rundt ein gir ein spesiell følelse. Med mi spinkle erfaring når det gjeld seglfly så må eg seie at denne simulatoren frå Silent Wings verkeleg gav meg enkelte aha – opplevelsar. Spesielt gjaldt dette i forhold til korleis oppdrift blir generert og korleis det påverkar flyet. Utifrå den kunnskapen eg har tileigna meg rundt om så verkar det som om både dette og korleis dei forskjellige flya reagerer på påvirkninga rundt seg er godt simulert i denne simulatoren. Funksjonar som at ein også kan få output på ein ordentlig gps gjer at virkeligheitsfølelsen blir løfta nokre hakk!
Med scenery for Norge installlert var det ein sann fryd å bevege seg rundt i landskapet i total stillheit (med unntak for vindsus i enkelte høgare hastigheiter….. jiha!).
Når pakken i tillegg er utvikla av nordmenn, så kan eg ikkje seie anna enn at dette anbefalast for dei som har ei viss interresse for seglfly. Om ikkje anna så kan ein laste ned demoen og prøve fritt i 2 veker. Prisen for pakken som er testa her er på 118 Euro (69 euro for sjølve simulatoren og 49 euro for sceneryet), noko som nærmar seg 1000 kroner. Mange vil kanskje hevde at dette blir litt drøyt, men dersom ein samanliknar med Flight Simulator og ein del addons der så blir ikkje reknestykket så gale alikavel.
Sidan dette er eit produkt som skiller seg heilt ut frå andre produkt eg testar for flightsim.no så synes eg ikkje det blir rettferdig å sette karakter på produktet. Det beste er at kvar enkelt som prøvar det gjer seg opp si eiga meining!
22.05.2006
(This article is protected by international copyright laws, and may not be published in parts or as a whole in any other publication or site without written consent from the author or www.flightsim.no. Any violation of this will be followed by legal actions.)
Seglfly er ein hobby som brer om seg rundt om i verden, og kva er dermed meir naturlig enn at flightsim.no tar ein nærare kikk på ein norskutvikla seglflysimulator? Vi har lagt hendene våre på Silent Wings ei tid og har fått lov til å boltre oss i det norske sceneryet.
Installasjon
